أسلوب الأحزاب الركيك

الأربعاء، 17 أبريل، 2013

الوقفات الاحتجاجيه مبتجيبش حلول, سياسة لوى الدراع دى لازم تنتهى مش كل اما نشوف وضع غلط يبقى وقفه احتجاجيه ,نظرية يا فيها لاخفيها دى لا تبنى الدول
دور الأحزب مش انهم ينظمو وقفات احتجاجية عشان مشاكل بتحصل دورهم يشوفو المشاكل دى بتحصل ليه ويقدمو مبادرات ومشاريع للحكومة
دور الاحزاب فى حل مشكله التعليم مش انهم يعملو مجموعات تقويه للطلبة , دورهم يعالجو النظام التعليمى نفسه
دور الأحزاب مش إنهم يعملو قوافل طبية للمواطنينن بسعر زهيد لأ دورهم انهم يقدمو مشاريع لتطوير وزاره الصحه والمستشفيات نفسها
دور الأحزاب مش إنهم يعملو وقفات احتجاجيه عشان فلان اخد براءه لأ دورهم انهم يقدمو مشروع لتطهير القضاء نفسه ساعتها فلان مش هياخد براءه
دور الأحزاب مفروض يكون مكمل لدور الحكومة فى اوقات ومناهض ليها فى أوقات لكن فكره المعارضه على طول الخط أو فكرة التنديد بالأداء الحكومى مش بتساعد على تغيير الواقع بشكل جذرى
النهارده أنا كمواطن لو لاقيت حد بيمدلى ايده عشان يساعدنى هفرح وامدله ايدى لكن لو كل اللى شايفه ان الحزب الفلانى والعلانى كل يوم عاملين وقفات احتجاجيه ساعتها مترجعش تزعل ان معندكش شعبيه فى الشارع
ممكن اوى يكون ليك تواجد فى الشارع بس مش بالضرورة يكون عندك شعبية فى الشارع
حل المشاكل وخليك مبااادر

أكل العسل حلو بس ..

حد يعرف العلاقة بين ألية صناعه القرار فى المؤسسات وأغنيه أكل العسل حلو بس النحل بيقرص؟
الموضوع بسيط اوى
عندك مؤسسة او حزب أو منظمة مجتمع مدنى عشان يشتغلو شغل صح يبقى لازم لائحه وقوانين وهيكل إدارى وخطة استراتيجيه وخطه تنفيذية وموارد بشرية ...إلخ إلخ!
الحاجات دى وجودها ضرورى عشان الشعل يمشى صح فى طريق تحقيق الأهداف الموضوعة سلفا وميمشيش بشكل "هلهلى" :D

طيب الإداريات دى لما بتزيد والقواتنين واللوائح لما بتكتر والمسميات الوظيفيه لما بتكون مش واضحه اوى ده بيخنق اللى شغالين فى المؤسسة وبيقلل انتاجيتهم وحماسهم وروح المبادره عندهم
يعنى بالظبط اكل اعسل حلو بس النحل بيقرص :

الحياة ميتا

الخميس، 7 مارس، 2013

لن أسألك كيف حالك؟ -
-لماذا
منذ عشرين عاما وأنت تعيش نعيما لا ينتهى -
نعم يا صديقى ولكنى أعانى من ملل شديد مؤخرا -
واريد أن اخذ اجازه من الدنيا لأجرب شيئا جديدا ربما الموت كنوع من التغيير
هذا فكرة سيئة يا صديقى الكثيرين سيضرهم فراقك .. وعندى لك حلا -
وما هو ؟ -
-جرب الموت دون أن تموت-
وكيف هذا ؟ -
إذهب إلى بلد يعيش أهله كالموتى ؟ -
وأين هذا ؟ -
إذهب إلى بلد يسمى مصر -
لا يمكن أن تكون  محقا هذا بلد له تاريخ وحضارة -
-ماذا ستصنع الحضارة القديمة للشعب إذا غاب القانون  وفيم سيفيد التاريخ إن غاب احترام الانسانيه  وشاعت الفوضى
وان كنت حيا فيم سيفيدك العيش دون كرامة !يا صديقى هل مازلت تظن أن المصريين احياء !

خواطر حول الخلاط

الخميس، 15 نوفمبر، 2012

·        انت ممكن تكون شخص غير مادى بطبعك ويحولك المجتمع لشخص مادى جشع 
·        قبل الثورة المجتمع كان عبارة عن شريحين راكب ومركوب بعد الثورة المجتمع شريحتين برضه سبحان الله  اللى جوة الخلاط واللى برة الخلاط
·        بعض الناس جواهم رفض بالفطرة انهم يدخلو الخلاص بس المجتمع بيدفعهم لده
·        انت > اتولدت >> اتشاقيت >> إتعلمت >> كبرت >>خلصت جامعة>>اتجوزت >>جبت عيال
عيالك>>>اتولدو>>>اتشاقو>>>اتعلمو>>كبرو>>>خلصو جامعة>>>اتجوزو>>>جابو عيال
·        فين القيمة المضافة؟
·        فين إضافتك للبشرية ؟
·        لو حياتك مفيهاش قيمة مضافة يقى ملهاش لازمة
فين اللى انت بتعمله ؟
·        فين اضافتك للبشرية ؟
·        فين دورك فى الحياة ؟
·        دورك فى الحياة مش ممكن يكون انك تكون اسرة وبس وطبعا دى مش حاجه سهله أبدا
والناس اللى عندها فكرة القيمة المضافة دول فئات برضه :
    واحد بيشوف ان قيمته المضافه انه  يكتب كتاب او مقال
    واحد بيشوف ان قيمته المضافه انه يعمل اختراع او ابتكار .
واحد بيشوف ان قيمته المضافه انه  يقود حركه تغيير فى مجتمعه
واحد بيشوف ان قيمته المضافه انه ان ينضف الشارع اللى هو ساكن فيه
وهكذا 

اخطاء فى العمل المجتمعى

الأحد، 7 أكتوبر، 2012




أنا إشتغلت فى أكتر من كيان قبل كده ومعظمها كان بيقع ولاحظت ان فى اسباب مشتركة بتوقع معظم الكيانات لأن الناس بيقعو فى نفس الأخطاء مثلا :

1/ان الكيانات دى كانت قايمة على اجتهاد مجموعة من الأشخاص بمجرد انشغال الأشخاص دول الكيان بيهتز لأن محدش بيشيل الشغل بنفس الكفاءة .

2/ إن الكيانات دى لم تكن مؤسسية يعنى لم تكن Goal-oriented

يعنى ايه Goal-oriented :

يعنى لها أهداف واضحة ومكتوبة و كل العاملين عارفينها وياريت يكونو مشاركين فى صنعها
يعنى فيه دافع لتحقيق كل الأهداف دى
يعنى الاسلوب اللى بيشتغلو بيه لتحقيق الهداف دى يكون واضح

3/ لا يوجد معايير لتقييم الأداء أو ال ( feed-back ) >> مصطلح هندسي :D
أو لقياس الرضا العام عند العاملين يعنى من الأخر مفيش أساس أو مقياس موضوعى للتقييم

4/عدم التطور >> محلك سر (وده أكتر حاجه بتقتل الكيان)