اخطاء فى العمل المجتمعى

أنا إشتغلت فى أكتر من كيان قبل كده ومعظمها كان بيقع ولاحظت ان فى اسباب مشتركة بتوقع معظم الكيانات لأن الناس بيقعو فى نفس الأخطاء مثلا :

1/ان الكيانات دى كانت قايمة على اجتهاد مجموعة من الأشخاص بمجرد انشغال الأشخاص دول الكيان بيهتز لأن محدش بيشيل الشغل بنفس الكفاءة .

2/ إن الكيانات دى لم تكن مؤسسية يعنى لم تكن Goal-oriented

يعنى ايه Goal-oriented :

يعنى لها أهداف واضحة ومكتوبة و كل العاملين عارفينها وياريت يكونو مشاركين فى صنعها
يعنى فيه دافع لتحقيق كل الأهداف دى
يعنى الاسلوب اللى بيشتغلو بيه لتحقيق الهداف دى يكون واضح

3/ لا يوجد معايير لتقييم الأداء أو ال ( feed-back ) >> مصطلح هندسي :D
أو لقياس الرضا العام عند العاملين يعنى من الأخر مفيش أساس أو مقياس موضوعى للتقييم

4/عدم التطور >> محلك سر (وده أكتر حاجه بتقتل الكيان)